Supë me kungull dhe qiqra

Nje pjate e thjeshte, e shendetshme dhe me shume shije e cila shijohet mrekullisht si ne vjeshte ashtu dhe ne dimer.

Perberesit :

• 500gr tul kungulli
• 250gr qiqra te konservuara
• pjesen e bardhe te 1 preshi
• 1 dege selino
• 1 karrote
• 1l leng perimesh
• 1 dege trumez te fresket
• 2 gjethe sherebele
• 3 luge vaj ulliri
• disa gjethe majdanoz
• piper te zi te sapobluar
• per shoqerim: buke e thekur

Kaverdisim preshin, karroten dhe selinone te prera holle me 3 luge vaj ulliri ne zjarr te ulet derisa te zbuten. Shtojme kungullin e prere ne kubik (madhesia sipas deshires), sherebelen, trumezen dhe vazhdojme kaverdisjen edhe per disa minuta te tjera duke i perziere shpesh. Shtojme lengun e perimeve dhe e gatuajme supen ne zjarr te avashem per rreth 20 minuta. Shtojme se fundi edhe qiqrat e kulluara nga uji i konservimit dhe te shplara mire dhe vazhdojme gatimin edhe per 10 minuta te tjera.

Elemenojme gjethet e sherebeles dhe degen e trumezes dhe e shperndajme supen neper tasat ku do ta sherbejme. E sperkasim ne siperfaqe me pak piper te zi te sapobluar, e zbukurojme me gjethet e majdanozit dhe e konsumojme me buke te thekur.

Pesto me domate te thara dhe bajame

Nje variant teper i veçante i Pestos Gjenovez, asaj me borzilok, djath te grire Grana, stika pishe dhe vaj ulliri ekstra te virgjer. Provojeni te shoqeruar me Makarona ose per te lyer buken e thekur.

Perberesit

• 100gr domate te thara nen vaj
• 50gr bajame te pjekura ose natyrale
• 50gr djath Parmixhano (ose Grana) te grire
• 50gr borzilok
• 100ml vaj ulliri ekstra te virgjer
• 2 thelpinje hudhra
• 1 luge uthull balsamike
• kripe

Vendosim ne nje mikser elektrik bajamet, borzilokun, uthullen balsamike, hudhrat dhe pak kripe dhe i grijme per disa sekonda. Shtojme edhe domatet e thata dhe djathin e grire dhe i grijme per afersisht 15 sekonda. Shtojme pak nga pak vajin e ullirit duke vazhduar perzierjen derisa salca te rezultoje homogjene.

Peston mund ta ruajme ne frigorifer per 1 muaj te vendosur ne nje kavanoz hermetik mbulur siper me vaj ulliri.

( Bukë lepurushi ) - Simite për mëngjes

 Këto bukë janë ideale për mëngjes si për fëmijë edhe gjithë familjen. Nëse dëshironi mund ti shoqëroni me pak reçel ose çokokrem sipër, ose thjesht siç janë. Janë shumë të shijshme dhe ngjajnë shumë me “croissant”.

Përbërësit për Simite për mëngjes - (Bukë lepurushi)

• 1kg miell


• 500 ml qumësht


• 2 vezë + 1 të verdhë veze për lyerje sipër


• 150 gr vaj


• 3 lugë gjelle me sheqer ose mjaltë


• 30 gr maja birre


• pak kripë


• pak lëkurë limoni


• pak ujë i vakët

Përgaditja : 

Si fillim shkrijmë majanë në pak ujë të vakët. Hedhim miellin në banakun e punës dhe i hedhim pak kripë. I trazojmë pak.Më pas hedhim gjithë përbërësit me radhë. Fillojmë me vezët, i përziejmë ngadalë, pastaj shtojmë sheqerin ose mjaltin, dhe më pas qumështin e vajin. Shtojmë pas kësaj edhe majanë e shkrirë.

Zëmë brumin shpejt, e ngjeshim mirë. E punojmë me kujdes. E vendosim brumin në një enë qelqi dhe e mbulojmë me një pecetë të pastër. E lemë brumin të vijë përreth 1 orë ose derisa të shohim që masa dyfishohet. Më pas e marrim brumin dhe e bëjmë në formë roleje. E ndajmë në 20 pjesë. Çdo pjesë e bëjmë në formë roleje, si formë kërmilli dhe i vendosim në një tepsi ku kemi vendosur letër furri.

Pasi i kemi vendosur të gjitha pjesët mbulojmë tepsinë dhe e lemë që të vijë përreth 15 minuta. Më pas në një enë rrahim të verdhën e vezës me pak qumësht dhe i lyejmë sipër simitet me furçë. Vendosim tepsinë në furrë të nxehtë 180°C dhe i pjekim përreth 25-30 minuta, ose derisa të shohim që simitet sipër kanë marrë një ngjyrë të bukur të kuqërremtë.

Pasi kemi fikur furrën i lemë akoma në të përreth 10-15 minuta. Më pas i nxjerrim i lemë të ftohen pak dhe i ndajmë. I shërbejmë simitet të ngrohta, të shoqëruara me pak reçel ose i shijojmë ashtu siç janë.

Ju bëftë mirë !

Qumështi i artë - një pije që mund t'ju ndryshoj jetën

Qumeshti i arte eshte nje pije Indiane e pregatitur sipas nje recete te veçante, e mbajtur sekret per shekuj me rradhe. Ata qe e njohin kulturen Indiane, e dine qe ngjyra e arte eshte simbol i shendetit dhe fuqise sheruese!
Kjo pije eshte jo vetem e shijshme, e thjeshte per tu pregatitur, por edhe e pasur me perberes ushqyes te cilet kur kombinohen me njeri tjetrin, perforcojne karakteristikat sheruese. Perfitimet shihen sidomos ne forcimin e sistemit imunitar, artritit, kockave, shtylles kurrizore dhe çdo organi tjeter jetesor! Eshte perfekt gjithashtu per te luftuar gripin, te ftohtin, depresionin, dhimbjen e kokes, dhimbjen e fytit... duhet te vazhdojme me shume?
Nuk ka asnje efekt anesor, prandaj mund ta perdorni kur te doni dhe sa here te doni. Preferohet te konsumohet te pakten 1 filxhan qumesht i arte ne mengjes per ta nisur diten me energji!

Perberesit

• 1 filxhan qumesht dhie, bajamesh, kokosi apo kërpi
• 1/4 filxhan uje
• 1 luge te vogel shafran indie (tumerik)
• 2 luge gjelle vaj bajamesh
• mjalt per embelsim

Ziejme shafranin e indise ne uje per 6-8 minuta ne zjarr te ulet, shtojme qumeshtin, vajin e bajames dhe e çojme perberjen ne vlim. Ne momentin qe arrin piken e vlimit, e heqim nga zjarri, e leme te ftohet ne temperature ambjenti dhe i japim shije me pak mjalt sipas deshires.

Qumësht bajamesh i bërë në shtëpi

Nese ju ka shkuar qofte edhe nje here ndermend te pregatisni qumeshtin e bajameve ne shtepi, por nuk dini sesi, ndiqni receten tone me poshte! Perberesit jane te thjeshte: uje, bajame dhe mjalt per ta embelsuar. Eshte ideal per tu konsumuar ne cdo moment te dites si zevendesues i qumeshtit te lopes, sidomos per ata qe kane probleme me laktozin. Mund tja ofron edhe femijeve, duke qene se eshte i pasur me kalcium, kripera minerale dhe vitamina.

Perberesit

• 1l uje natyral
• 100-200gr bajame (varet sa te koncentruar e deshironi qumeshtin)
• 80gr mjalte shumelulesh

I zhysim bajamet per gjysme ore ne uje te ngrohte, me pas i eleminojme lekuren me dore e cila duhet te hiqet lehtesisht.
I presim bajamet ne copa te medha me ndihmen e nje thike te mprehte dhe i shtypim ne havan duke shtuar pak uje here pas here derisa te formojme nje lloj krem (ose i kalojme ne mikser).
Shkrijme mjaltin ne 1 liter uje, shtojme kremin e bajameve dhe e leme perberjen ne temperature ambjenti per gjysme ore.
E filtrojme te gjithe masen me nje garze te paster dhe lengu i perftuar eshte qumeshti i bajameve. Ndersa tulin e bajameve mund ta perdorim per shembull per tja shtuar dritherave te mengjesit.
Qumeshtin e bajameve e ruajme ne frigorifer per maksimumi 3 dite.

Tiramisù dietike (pa vezë dhe maskarpone)

Jeni ne diete por nuk doni te hiqni dore nga embelsirat? Receta qe po ju paraqesim me poshte eshte shume me e lehte (me rreth 200 kalori me pak) sesa Tiramisuja klasike. Menyra e pregatitjes eshte e njejte, pervec faktit qe perdoret krem djathi i tipit filadelfia ose rikota ne vend te kremit maskarpone dhe eleminohet perdorimi i vezeve.

Perberesit :

• 400gr krem djathi filadelfia ose gjize pa kripe (rikota)
• 1 filxhan çaji kafe ekspres e pregatitur+ 2 luge sheqer (mund ta eleminoni nese deshironi)
• 400gr biskota savoiardi (ose mund ti zevendesoni me biskota te tjera te tipit Pavesini)
• 4 luge sheqer pluhur
• 1 luge rum ose esence rumi
• 2 luge grimca çokollate te zeze
• kakao e hidhur pluhur
• pak qumesht
• pak kripe

Kafene e pregatitur me ekspres ose moka, e hollojme me pak uje ose qumesht ne menyre qe shija e saj te mos rezultoje shume e koncentruar, dhe e leme te ftohet ne nje pjate te thelle.

Ne nje tas te thelle, punojme me pirun kremin filadelfia, ose rikoten me sheqerin derisa kremi te rezultoje i njetrajtshem. Shtojme nje luge rum dhe nje luge grimca çokollate te zeze duke i perziere mire.
Ne taven ku do te pregatisim embelsiren (ose ne tasa te vegjel individual), hedhim 2-3 luge krem dhe e shperndajme njetrajtesisht.
Zhysim biskotat savoiardi ne kafe per maksimumi 5 sekonda dhe i rendisim njera pas tjetres. I hedhim siper gjysmen e kremit, vendosim nje tjeter shtrese biskotash dhe e perfundojme embelsiren me kremin e mbetur duke e rrafshuar siperfaqen me nje spatul kuzhine. E sperkasim ne siperfaqe me kakao te hidhur pluhur. E vendosim tiramisu-ne ne frigorifer per minimumi 4 ore perpara se ta servirim te prere ne copa.

Pasta Sfoglia

Pasta sfoglia është një petë e veçantë e bërë kryesisht me gjalpë. Kjo është një recetë e rëndësishme dhe e detyrueshme për tu ditur sepse kjo lloj pete gjen një përdorim të gjerë në kuzhinë. Eshtë ideale si për torta të kripura, ashtu dhe për ato të ëmbla. Përgatitja e këtij brumi është pak i komplikuar por të gjithë mund ta provojmë ta bëjmë. Mund ta përgatisim kur të kemi kohë, e vendosim në ngrirje në frigorifer dhe e përdorim kur të na duhet për receta të ndryshme.Kjo lloj pete për vetë përgatitjen e saj ka shumë shtresa.

Thuhet që kjo petë e ka origjinën nga Egjipti i vjetër që më pas kaloi në Greqi ku gjen një përdorim të gjerë në kuzhinën greke. Në kohët e sotme, përgatitja e saj kryhet me makineri të posaçme. Por gjithsecili nga ne mund ta provojë ta përgatisë edhe në kushtet e shtëpisë. Ka disa receta për përgatitjen e kësaj pete. Ne kemi sjellë këtu këtë recetë që na është dukur më e përshtatshme.

Përbërësit për Petë e veçantë me gjalpë (Pasta Sfoglia)

Për brumin duhen:

350 gr miell

200 gr ujë

pak kripë

Për brumin me gjalpë duhen:

250 gr gjalpë

75 gr miell

Përgatitja

Fillojmë me përgatitjen e brumit të parë. Në gotën me ujë hedhim kripën dhe e shkrijmë në të. Hedhim miellin mbi tavolinën e drurit, e bashkojmë me ngadalë me ujin. Vazhdojmë ta punojmë për disa